كود أكادير //

من بعد ما جابت “گود” سكوب تنقل عناصر الفرقة الوطنية للشرطة القضائية بكازا للدائرة الاستئنافية ديال أكَادير وبالتحديد إنزگان للتحقيق فواحد الميساج كيتسركل ف”واتساب” فيه اتهامات للوكيل العام للملك ديال محكمة الاستئناف فأگادير، ووكيل الملك بالمحكمة الابتدائية لإنزگان، قال مصدر خاص ل”گود” أن وكيل الملك بالمحكمة الابتدائية ديال إنزگان راه كيحارب هاد الرشايوية والسماسرية وهما اللي شانين عليه هاد الحملة بالكذوب النيابة العامة بالدائرة القضائية أكَادير هي اللي طلبات باش يتفتح تحقيق في هذا الموضوع.

أما بخصوص أسباب الوشاية فراه كيقول مصدر “گود” هو تضييق الخناق على السماسرة وضبط أزيد من 12 شخص كانوا يترددون على المحكمة وتمت محاكمتهم وإدانتهم من طرف القضاء وأيضا منع الولوج للمحكمة إلا لأصحاب القضايا و التوجه لمكتب الواجهة مباشرة للاستعلام عن ملفاتهم دون التواصل مع الموظفين والنواب والاحتكاك بهم مما أضر بمصالح البعض.

وكيل الملك ديال ابتدائية إنزگان، يضيف مصدر “كَود”، من أكبر المناصرين لقضايا المرأة وماكيخليش السمسارة يدخلو للملفات اللي فيهم عيالات كأطراف.