كود الناظور///

عناصر الدرك الملكي بجماعة دار الكبداني اقليم الدريوش، صادرات اليوم صباحا حق الزميل رمسيس بولعيون في ايصال المعلومة، ومنعاتو يدير خدمتو.

الزميل قال فتصريح ل”كود”، أنه كان متوجه اليوم صباحا للدريوش حقاش كانت عندو خدمة تماك، لكنه فوجئ بنقطة تفتيش للدرك على مستوى جماعة دار الكبداني كترفض السماح ليه بالاستمرار، والعودة للناظور، رغم إدلاءه ببطاقة الصحافة الصادرة عن المجلس الوطني للصحافة.

وزاد رئيس تحرير موقع ناظور سيتي في تصريحه :” عطيتهم البطاقة، لكن أحد عناصر الدرك منعني وقالي سير بحالك حنا مكنعتارفوش بهادي، بغيتي الدوز جيب لينا ورقة ديال الباشا”.

وأضاف بولعيون :” راه حنا بالنهار ماشي بالليل باش نتسجل فالعمالة، راني بالنهار وماشي ندير خدمتي، لكن الجوندارمي حرمني من أداء مهمتي، وزاد من الفوق ماحتارمش بطاقة ديال مؤسسة دستورية”.