كود – وكالات//

غير من بعد يوماين على الواقعة، حكم القضاء الفرنسي على الشاب اللي صرفق الرئيس الفرنسي إيمانويل ماكرون ب4 شهور ديال الحبس النافذ و14 شهر مع وقف التنفيذ.

وتم القبض على المتهم داميان تاريل، اللي فعمرو 28 عام، مباشرة بعدما صرفق الرئيس الفرنسي نهار الثلاثاء، بعدما كان هاد الأخير فزيارة لمنطقة دروم الفرنسية.

وتدان الشاب بتهمة “العنف ضد شخص منوط بسلطة عامة”.

#Macron se fait gifler en direct de #Tain pic.twitter.com/tsXdByo22U

— ⚜️ (@AlexpLille) June 8, 2021

والتصرفيقة اللي دار الشاب لماكرون توثقات ففيديوهات انتشرات بشكل كبير على مواقع التواصل الاجتماعي هذ اليوماين.

واعتبرف الشاب خلال التهقيقات أن قريب لحركة “السترات الصفر”، وأن عندو قناعات سياسية يمينية متطرفة، بلا مايكون منتمي لشي حزب أو جماعة.