كود القاهرة//
كيبقى مصطفى شوبير الكول الثالث ديال الأهلي المصري هو المرشح باش يلعب فالماتش أمام الوداد الرياضي غدا الأحد فالقاهرة، برسم ذهاب فينال عصبة أبطال إفريقيا.
وحسب المعطيات المتوفرة القادمة من محيط الأهلي المصري، فكيبقى مصطفى شوبير الحارس الاحتياطي الثاني هو المرشح الأول باش يحبس مرمى الأهلي ضد الوداد غدا، بعدما تأكد غياب محمد الشناوي الحارس الأول على النهائي حيث هو اللي واجد ولعب آخر 2 ماتشات مع الفريق.
أما الحارس الاحتياطي الأول على لطفي واخا شارك خلال الحصة التدريبية الأخيرة ديال اليوم فصعيب يحبس أمام الوداد حيث راجع من الإصابة وفالشك واش واجد 100%.
