كود مصطفى الشاذلي ///

كي متوقعا فريق أولمبيك آسفي عبر عن استنكاره للظلم اللي تعرض ليه فالمانش ديالو مع الوداد البيضاوي البارح الاثنين بملعب المسيرة، برسم مؤجل الدورة 12 من منافسات البطولة الاحترافية.

الفريق المسفيوي احتج على تحكيم عبد العزيز المسلك، بعدما احتسب هدفين غير صحيحين، حسب بلاغ الفريق اللي عممو بعد الماتش.

وأكد مكتب أولمبيك أسفي فبلاغو أن الحكم احتسب هدفين من حالتي تسلل واضحتين وأن الفريق غادي يسلك جميع المساطر القانونية للدفاع عن مصالحه.

وطالب الفريق المسفيوي بفتح تحقيق في ما اعتبره مهزلة تحكيمية، داعيا في نفس الوقت إلى التدخل العاجل من أجل الحد من المجازر التحكيمية، اللي تؤثر على صورة كرة القدم المغربية.

وحسب نفس البلاغ، فإن الفريق المسفيوي غادي يراسل الجامعة باش يعتارض على تعيين الحكم نور الدين الجعفري فالماتش ديال اتحاد طنجة الخميس الجاي لسوء تحكيمية و”تحيزه” على حد تعبير البلاغ.