اسماء غربي – كود//

كيف سبق وكتبات “كود” البارح على العمل التالي ديال الناصري، المملثة لبنى ابيضار حتى هي عطات القاصح لسيتكوم “البوي” ديال سعيد الناصري، اللي كتدوز في  قناة “شدى تيفي”.

وقالت ابيضار أن سلسلة “البوي”، اللي لاعبين فيها ادوار البطولة سعيد الناصري وفاطمة خير ونعيمة إلياس، هي كوبي كولي  لسيتكوم مريكاني سميتو  “who’s the boss” الأمريكية.

وحطات ابيضار على صفحتها الرسمية في فيسبوك، تصويرة ديال السيتكوم الأمريكي، وكتبات عليها: “كوبي كولي بحدافرها… كيف لعادة. وا الناس لمغاربة راه ماشي مكلخين كيف كتخايلوا… لكم التعليق”.