عن: دايلي ميل
ماتت شابة فعمرها 18 عام وهي كتلعب لعبة الروليت الروسية مع صاحبها ولي هي كيما معروف كيلعبوها من خلال تبادل توجيه الكابوس الي وسطو قرطاسة وحدة والضغط على زنادو بشكل عشوائي، في أمل أن القرطاسة متخرجش وتفركع ليك الراس .ونشرات صحيفة “دايلي ميل” أن صاحبها لي فعمرو 27 عام خرج من المستشفى الي تنقلات ليه الهالكة بدون مايتسنى النتيجة وشنو غايقول ليه الطبيب على صحتها، وهرب في طوموبيلتو العامرة بدم الشابة لكن الشرطة طارت عليه قبل مايبعد بزاف. واستجوبات حتى جوج تالشاهدين على الحادثة بعدما لقات عند واحد فيهم المخدرات وتشد تاهوا.
وكتبات الصحافة البرازيلية المحلية أن الشاب الي قتل صاحبتو فهاذ اللعبة الخطيرة برر شنو وقع بأنو صدفة ومعندها زهر.
