كود مراكش ////
عمدة مراكش فاطمة الزهراء المنصوري ووالي الجهة عبد السلام بيكرات شادين فيهم المراكشيين. السبب صورة لافتتاح مهرجان لعيساوة والطرق الصوفية الاربعاء الماضي بجامع لفنا يظهر فيها الوالي والعمدة وبيد كل واحد منهما حمامة. الامور كانت غادية تكون عادية فافتتاح عطاوهم يشدو حمامة شدوها وهاد الشي داخل فالافتتاح باش يكون ناشط. لكن مع هاد الايام الحملة الانتخابية للغرف المهنية وتابعاه الانتخابات البلدية كلشي عندو معنى سياسي. لحمامة ولات حزب التجمع الوطني للاحرار واخا هي بيضا وفهادي فاش شدو برجل السلطة والمنتخبة والقيادية في حزب البام.
