كود كازا//

رجعات أغنية “المتنبي”، ديال الرابور عمر السهيلي المعروف ب”ديزي دروس”، وشدات صدارة الطوندونس المغربي على اليوتوب، بعدما تحدفات، البارح الاثنين، بسبب حملة ديال السينيال.

ونشر “ديزي دروس”، على صفحتو في إنستگرام، ستوري كيهدر على هاد العودة، وكتب: “أول مورسو فالتاريخ كيطلع اللول فالطوندونس جوج مرات”.

الاغنية ضربات 10 مليون في 10 أيام، وكلاش البيكَ وصل ل 15 مليون فكثر من 20 يوم.

دابا لغة الأرقام هي لي خدامة، ومن هنا لنهاية يناير نشوفو شكون اكثر كلاش تسمع.