كود هناء ابو علي /////
بعض المرات كيعطي شي وزرا تصريحات اكبر منهم. تصريحات كتسيء ليهم اكثر مما تسيء للوطن. صلاح الدين مزوار وزير الخارجية والتعاون حكر على صحافي في “ميدي 1 تي في” وبدا عليه، كاليك يا سيدي باش تلاقى مع وزيرة الخارجية السويدية فنيويورك واخبرها بالازمة مع المغرب وبالرد المغربي “مفعفات” من بلاصتها. والله حتى هو اللي كال شوفو الفيديو.
دابا مزوار اللي حيدو ليه السمطة والسروال فمطار شارل دوكول الباريسي ما تفعفع ما تحرك من بلاصتو هو اللي فعفع هاد المسؤولة السويدية. بنكيران كال عليه واحد النهار كيفما نقلاتها “الصباح” “انت كركوز تحرك من الخلف”. مزوار كيخاف من زعماء حزب سياسي واللي كيقدر يصوت عليهم واخا هما فالمعارضة باش ما يتقلقوش عليه كاليك خلع وامر وزيرة السويد.
شوفو الفيديو مزيان وغاديين تعرفو علاش الديبلوماسية ديالنا زيرو ضعيفة وبزاف
