وكالات- كود//

بسبب رسالة صيفتاتها واحد السيدة هندية سميتها “هاربريت كاور” ، لرئيس الوزراء الهندي “ناريندا مودي” فعام 2016، طلبات منو يعطي للقرية ديالها الحق فتغيير سميتها ، حيت كانت أضحوكة بين القرى فالعديد من المناطق الهندية ، وإسمها “غاندا” اللي كيعني باللغة الهندية الموسخ والبشع ، استاجبات الحكومة الهندية ف 2017 للطلب ، وتمنح للقرية هاذ الحق فتغيير سميتها ورجعات “أجيت ناغار” .

وماشي غير هي لي بهاد النوع ديال الأسماء الخايبة الي محاملينوش السكان فالهند ، بل كاينة حوالي 50 قرية أخرى، أبرزهم وحدة سميتها “كينار” وكتعني باللغة الهندية “المتحول جنسيا”، وبدلوه ل”غايبي ناغار”.

وكتعتابر الحكومة الهندية مسألة تغيير أسماء القرى بالصعبة بزاف ، حيت كيخصهم يبدلوه حتى فالأوراق الثبوتية للسكان وفالعناوين ديالهم ،وبزاف ديال الأعمال الإدارية لي ماباغياش الدولة تزيدها عليها.