مصطفى الشاذلي ـ كود سبور ///

الصدفة جمعات بين نجم كبير للاسود وشخصية حقوقية معروفة فمطعم “اكنول” حدا لبرانس فكازا. الاول كان ياكل فالطابق العلوي والثاني ياكل سندويتش التحت. هاد الشي وقع البارح الثلاث 22 يونيو 2021.

الاول احد اشهر حراس “لاليگا” وهو ياسين بونو حارس اف سي اشبيلية. طبعا الحارس الرسمي للاسود واللي كيدوز عطلتو فكازا كان مع صاحبو. الزبناء ما صدقوش وسولو النادل واش هادا بصاح “بونو”.

كان مؤدب كيف ديما ولبق وظريف..

التحت كان وجه حقوقي مغربي اللي هو عبد الرحمان بنعمرو. جا على قبال محاكمة الصحافي عمر الراضي .

طبعا بجوج ما بيناتهمش شي معرفة وما سلمو على بعضياتهم لا والو.