كود احمد الطيب ////

تأكدت “كود” من هوية الرجل اللي سلم على ليونيل ميسي البارح وجرو من يديو وبغي يدير معاه بزز سيلفي بالبارح فملعب طنجة فماتش اشبيلية والبارصا. يتعلق الامر بمصطفى مسترزق. من عين عتيق ضواحي الرباط. هاد السيد كيبيع ويشري فالخضرة. خضار معروف.

كيفاش وصل تماك؟ “السيد عندو علاقات كثيرة مع ناس فالجامعة. ديما حاضر وديما فالصفوف الاولى وحتى المونديال الاخير تبعو كولو” يشرح مصدر “كود”.

السيد معروف كذلك بترحالو على الاحزاب السياسية. وكيحماق على البارصا ومرفح بزاف ولكن كيفاش وصل لتماك. السيد قال لمعارفو باللي كيعرف البوشحاتي اللي نكرو.