29/04/2024 12:40
الطالب القاعدي بلقسام غادر اليوم حبس “راس الماء” بعدما دوّز 10 سنوات فقضية مقتل الطالب العدلاوي عبد الرحيم الحسناوي (صور)
هناء ابو علي كود كازا ///
لكن اش تغير من البارح لليوم للمغاربة اللي غاديين لاوربا؟ وفق مصدر ل”كود” من شركة الطيران اللي كيدي لاوربا =كاينين جوج: لارام و”العربية”= فان فرانسا ولات كتطلب التيست “بي سي ار” واللي ما داروش كيديروه ليه باش يدخل. ولا ما داروش يبقاو بعد ما يقيسو ليهم الحرارة٬ 14 يوم. اي لاكارنتين
اما اسبانيا وفق مصدر “كود” كود فحتى حاجة ما تغيرات بعد هاد القرار. مازال كاين تعهد كيوقعو اللي دخل عندها كيوقعو وباش يدخل كيقلبو حرارتو وكيعطي عنوانو وكيدخل.
اما ايطاليا فكانت ومازالت مزيرة كيف السابق٬ اي قبل من قرار الاتحاد الاوربي. هاد الدولة كتفرض لاكارانتين. اللي دخل يبقى فدارو 14 يوم وممنوع يخرج الا بعد هاد المدة
هاد الدول حقاش هي اللي فيها رحلات يومية
وكان البارح قرر الاتحاد الاوربي فاجتماع كيديرو كل 15 يوم يحيد المغرب من لائحة 14 دولة كان دارها قبل وقال باللي هادي دول امنة يمكن تدخل لاي دولة من دول الاتحاد بلا مشاكل حقاش ما عندهاش اصابات كثيرة فكورونا فيروس. طبعا قرار الاتحاد ماشي الزامي للدول الاعضاء وكل دولة منو عندها الحق طبق الاجراءات اللي بغاتها مع هاد الدول 14.
