نجوى المالحي-كود//
من بعد الجدل الكبير لي دارتو شروق الشلواطي لي عندها شي لقب ديال ملكة الجمال بفيديوهات متخلفة ومكلخة ديال الشعرة في القرآن لي خاص الناس يديروها في الما ويشربوها، دارت تفسير واعتذار عبر صفحتها في انستگرام.
شروق قالت أنه كان وصلها الأوديو وملي قلبات القرآن لقات الزغبة وتفاجآت وبارطاجاتها مع الناس لي متبعينها، ونفات أنها قالت لي دار الزغبة في الما وشربو مغاديش يتصاب بكورونا.
تفسيرات شوروق كان فيها بزاف ديال الدخول والخروج في الهضرة، بطريقة خلطات فيها العربية بالفرنسية باش تبان زعما راها مثقفة، واخا تصرفها الجاهل والمكلخ بين العكس تماما.
في المقابل أكدات أنها غادي تابع واحد السيدة بالقانون حيت عايرات ليها واليديها وقالت أنها مكتسمحش لأي شخص يسب ليها باها ومها، والكلام كان جارح داكشي علاش غادي طبق القانون.
