الوالي الزاز -كود- العيون ////
[email protected]

النشيد الوطني هو هوية دولة وتجربة شعب غالبا كتحكي معاناتو وتضحياتو للحرية والإنعتاق من الإحتلال والإستبداد، ودائما كيكون علامة مميزة للدولة كتفتاخر بيه وكتعلمو لولادها من نهار خلقو.

الدزاير خالة خاصة فهاد العالم لأن النشيد الوطني لي كتبو الشاعر  الشيخ زكريا وتم تلقيبو بمفدي زكريا ولحنو الملحن المصري ماشي ديالها وحقوق نشرو وإذاعتو فملكية المؤسسة الفرنسية SACEM، لي كتحمي حقول المؤلف الفرنسي، بحيث أن الملحن المصري محمد فوزي صرح به أمام المؤسسة الفرنسية لأنها المؤسسة لي كانت كتحمي آنذاك المقاطع الموسيقية المصرية فهاديك الفترة.

يعني الرئيس الجزائري عبد المجيد تبون وقبل منو بوتفليقة وبومدين والشاذلي كيخلصو لفلوس الى بغاو يسمعو ليه فشي استقبال رسمي وهادشي كيتطلب ميزانية سنوية كيتم تحويلها للمؤسسة الفرنسية، حسب ما كشفات عليه وسائل إعلام جزائرية.

“كود” دارت بحث في ارشيفات “la secam”، ولقات العكس. في الموقع مكتوب ان مول الحقوق هو صاحب النشيد الشيخ موفدي زكري.