نجوى المالحي-كود//

من شهر غشت لي فات، اختفى الرابور المغربي كريم خربوش لي عندو الجنسية الميريكانية ومعروف في العالم باسمو الفني فرانش مونتانا.

في العادة فرانش كان كيشارك بشكل يومي تفاصيل حياتو في مواقع التواصل، وخاصة انستكَرام، لكن هادي شهرين قرر أنه يختفي على الأنظار.

لحد الآن، مامعروفش واش القرار مخطط له أو الرابور عندو مشاكل شخصية او صحية، وداكشي علاش غابر.

صحافة البيبل في ميريكان دوات عليه وجبداتو في قضية ديال الخيانة الزوجية بطلتها واحد الممثلة مشهورة كانت تزوجات في برنامج ديال الواقع.

وجدير بالذكر أن كريم خربوش كان صاحب كلوي كاردشيان وكان بان شحال من مرة في حلقات ديال برنامج تلفزيون الواقع ديال عائلة كاردشيان، وهو البرنامج لي علنو على النهاية ديالو هاد العام.