كود تازة //

وجد رئيس فرع الجمعية الوطنية لحملة الشهادات المعطلين بمنطقة “تاهلة” بإقليم تازة، نفسه مضطرا باش يوقف إضرابو على الماكلة، اللي كان بداه هادي أكثر من 36 يوم، بعدما تدخلات عائلتو وعدد من الحقوقيين بالمنطقة.

المجاز العاطل ياسين بوعملات، حسب مصادر حقوقية، وقف هاد الإضراب بعدما تدهورات حالتو الصحية، لكن مزال داير اعتصام مفتوح مع شي صحابو أمام مقر جماعة تاهلة، مطالبين بالإدماج في سوق الشغل.

يشار إلى أن العاطل بوعملات داير إضراب عن الطعام هادي 37 يوم تقريبا، بالإضافة عدد من العاطلين اللي فضلو يديرو المبيت الليلي حدا الجماعة تحت شعار “معركة العزة والكرامة والأمعاء الفارغة، خيار لا رجعة فيه حتى تحقيق مطالب المعتصمين”.