24/04/2024 19:10
أخنوش لوهبي: برافو درتي خدمة كبيرة فوزارة العدل بتحديث المنظومة القانونية والقانون الجنائي قريب نصادقو عليه
نجوى المالحي – كود//
اشنو بغا يقولو منتجين برنامج “ستاند آب” باستضافتهم لفاتي جمالي باش تغني في حلقة منو، من غير يوصلو للمشاهدين أنه برنامج ماكيحتارمهومش.
فاتي جمالي ماشي مغنية باش تجي تشد الميكرو في برنامج على قناة كتدخل لبيوت المغاربة، وتخلص من ميزانية البرنامج، لي هي في الأخير خارجة من ضرائب المغاربة بغاو ولا كرهو.
راه من حق المواطن يحاسب القنوات لي كتضحك على اذواقو، وباش برنامج أصلا فاشل يجيب شخصية غير حيت عندها “باها في العرس”، هادي كارثة.
انا ماشي ضد فاتي جمالي كشخص، ولكن ضد التخربيق لي كتقدم باسم الفن.