كود سبور//
اعداد كبيرة من جماهير الزمالك توافدات على مقر النادي بقلعة ميت من بعد صلاة الجمعة باش يشريو تذاكر ماتش النهائي مع نهضة بركان.
عملية البيع كما يظهر في الفيديو كان مشرف عليها شخصيا رئيس النادي مرتضى منصور لي خرج للشارع وبقى كيبيع التيكي بحال الى فالمارشي نوار وهادشي لي خلى بزاف ديال المتتبعين فالمواقع الاجتماعية يقشبو على مرتضى لي مولف ديما بهاد الخرجات.
هاد التذاكر الجداد تطبعوا من بعد موافقة السلطات بزيادة عشرة الاف مشجع فوف الاربعين الالف لي تباعو تذاكرها فالايام الفايتة
هاد الاشراف المباشر لي دار مرتضى على بيع التذاكر كون دارو شي رئيس فرقة مغربية كون ناضو ليه.
هادشي كون دارو رئيس فرقة مغربية كون ناضو ليه.. مرتضى منصور كيبيع تذاكر ماتش نهضة بركان والزمالك شخصيا في الزنقة
Publiée par GOUD sur Samedi 25 mai 2019