كود الرباط//
كشف مصدر بوزارة الصحة لـ”كود” عن نفاذ مادة “Syntocinon”، اللي هي مادة ضرورية بالنسبة للنساء الحوامل بحيث هو اللي كيوقف نزيف النساء الحوامل.
واوضح مصدر مسؤول بأن هاد المادة سالات مبقاتش عند الوزارة، دون ان يشير الى سبب نفاذ المادة.
هاد المادة عبارة عن هرمون كيعاون المرا فاش كتولد واثناء المخاض باش ذغيا تولد بلا مشاكل.
هاد الوضع الخطير جدا كاين لي ضارب عليه طم، وحتى بعض النقابات خصوصا اللي مقربة من الوزير، مبقاش تهضر فهادشي، خصوصا المادة مبقاتش فالمستشفيات والمراكز الصحية.
دبا كولشي مشغول بانتخابات ممثلي المأجورين واللجن الثنائية، وصحة المريض حتا حد ماداها فيه.
