الرئيسية > آراء > هادشي تحول لليوتوب وفعوض يتخاصمو فالزنقة ولاو ينوضوها من صالونات ديورهم ولكن يشهدو العالم عليهم، بحال آ شطاري بين أسما بيوتي ونسابها، هاد النزاع لي فاتو المتابعين ديالو متابعي الحرب على اليمن ولا الثورة السودانية
15/07/2019 16:00 آراء

هادشي تحول لليوتوب وفعوض يتخاصمو فالزنقة ولاو ينوضوها من صالونات ديورهم ولكن يشهدو العالم عليهم، بحال آ شطاري بين أسما بيوتي ونسابها، هاد النزاع لي فاتو المتابعين ديالو متابعي الحرب على اليمن ولا الثورة السودانية

هادشي تحول لليوتوب وفعوض يتخاصمو فالزنقة ولاو ينوضوها من صالونات ديورهم ولكن يشهدو العالم عليهم، بحال آ شطاري بين أسما بيوتي ونسابها، هاد النزاع لي فاتو المتابعين ديالو متابعي الحرب على اليمن ولا الثورة السودانية

محمد سقراط-كود///

فالأحياء الشعبية شحال هادي ملي كانت كتنوض شي مضاربة بين الجيران أو العائلة ، كتهجم رباعة ديال العيالات على شي دار وكيبداو في تعداد مناقب الساكنة، كتولي تعرف تاريخ حياتهم من نهار تزادو وشي احداث غاية فالخصوصية كيتجبدو حتى هوما، المهم أي حدث سبقليه وقع كيولي صالح فالمعيور، وطبعا أحسن المضاربات هوما لي بين المرة وعدوزتها، داكشي كيكون هاردكور وطبعا من خلال المعايرة غادي تعرف واش داها فيييرج ولا لا، وواش كتصبن كيلوطاتها أو لا، والطوب ديال هادشي هو ملي كانت مرة كتعطي الكازي لوحدة خرى، كتحدر وتعطيها بترمتها وكاينة لي كتعريها كاع، هادشي جاري بيه العمل فالأحياء الشعبية وهاد القصص كتعاود بزاف.

غير هو دابا هادشي تحول لليوتوب وفعوض يتخاصمو فالزنقة ولاو ينوضوها من صالونات ديورهم ولكن يشهدو العالم عليهم، بحال آ شطاري بين أسما بيوتي ونسابها، هاد النزاع لي فاتو المتابعين ديالو متابعي الحرب على اليمن ولا الثورة السودانية، كولشي كيهدر فالفايس على أسما ونسابها وديك لخرى لي دخلات وسطهم، والمشاهدات بالملايين ونشير الكراسن بالعلالي، حتى وليتي تشوف راجل كبير بعقلو ماخاصو حتى خير كالس يعاير فولدو ومرة ولدو فيوتوب، ووليتي تشوف مرة كالسة تعاير فواليدين الراجل وهو كالس حداها وكون غير سكت، لا خونا كيأكد آش قالت هي تسب وهو يحرك فراسو، وا الشريف راه واليديك هادوك مامزيانينش معاك عطيهم التيساع ماشي تساب معاهم فاليوتوب.

وكاع هادشي كيبقى عادي نظرا لأنه موجود من ديما غير موثق بالفيديو دابا وصافي، لي ماشي عادي هو الإستغراب لي عند الناس فالمواقع الإجتماعية، واش بنادم ولا داير الفيلتر حتى لدماغو ولحياتو ماشي غير للتصاور فإنستا، راه المغرب هذا والمغاربة هادوك ديما المسابة والمعيور حاضر فاليومي ديالهم، وديما نزاعتهم الأسرية كيدخلو فيها البراني والشهود والحمية، غير دابا ولاو الشهور فالتعليقات ومن كاع البلدان، وهادشي لي كيعيشو اليوتوب المغربي دوزوه فالدول المتقدمة أيام بيض وكحل، وميريكان دايرين برامج وقنوات ديالو، حنا دابا عاد قلنا بسم الله فالحضارة غير هو بدينها من قاعها.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية