نجوى المالحي – كود //

دينا أقصبي وماريا ناديم قلبوها صباط من بعدما كانو صحابات، وهادشي كامل بسبب الماكياج ديال عرس ماريا اللي كان غير موفق بشهادة الجميع.

وقالت ماريا فاش جات ضيفة في برنامج “فلوورز” لي كيدوز على قناة شدى، أنها ندمات وما عجبهاش الماكياج، واضافت أنها كون دارتى بوحدها كانت غادي تطلع أحسن. وكملات وقالت: لا شك أن الكاميرات والصحافة، يوم العرس خربقو دينا أقصبي، داكشي علاش مانجحتتش في ماكياج عرسي.

دينا أقصبي اللي كانت جات خصيصا من دبي باش دير الماكياج لماريا ناديم ما سكتاتش هاد المرة وجاوباتها، قالت ليها: المشكل ماشي في الماكياج، المشكل في وجه ماريا وباعترافها.

دينا أقصبي هزات الشان لراسها، وقالت لنديم: أنا برامجي ديال الجمال مشهورين، وباقين لحد الآن كيجيبو تفاعلات كثيرة.

وأكدت دينا أن الشخص خاص يفكر مليون مرة قبل ما يرد على سؤال معين، وتابعت: “حياتي كلها كاميرات وماشي أول مرة ندير المكياج لشخصية مشهورة، الحمد لله اشتغلت مع نجوم عالميين، وبرنامج “بدون فلتر”، بمواسمه الأربعة، كفيل بالتحدث عن خبرتي، شكرا لـ1.6 مليون متابع لي كيتقو في عملي وساندوني في مسيرتي الفنية، أحبكم من قلبي”.

https://www.instagram.com/p/CMHucRQJkXF/?utm_source=ig_web_copy_link

https://www.instagram.com/p/CMHu-3olAfv/?utm_source=ig_web_copy_link