ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات
كود كازا//
اشتعلت حرب المواقع بين الدائرة الضيقة لحزب التقدم و الاشتراكية. حزب الكتاب اللي تفرضات عليه المعارضة في المجالس المحلية و الحكومة عندو مناضلين من فئة خمس نجوم ولفوا الريع و الامتيازات ومقادرينش يعيشوا خارج هدايا السياسة.
جوج برلمانيات كانوا ناجحين في اللائحة الوطنية للمرأة فالولاية السابقة، كيطلبوا ويرغبوا باش يلاقاو ليهم بلاصة فطاقم الفريق الاداري بالبرلمان.
هاذ الجوج باغين يخدموا كخبيرات لدى الفريق وهاذ الصفة كتعطي لصاحبها 30 الف درهم صافية.
من غير هاذ الجوج كاين تطاحن بين عدة اسماء ضمنهم ثلاثة من المكتب السياسي ضمنهم استاذ شبح مخلي القسم ديالو وكيقلب يكون مدير الفريق، وجوج خرين رغم وظائفهم ووضعهم مقادرينش يعيشوا بلا ريع السياسة .
هاذ القضية وأزمات أخرى صامتة ضمنها سعي تيار سنواصل الطريق لاسقاط الامين وتصحيح مسار الحزب، تحديات كتواجخ نبيل بنعبدالله اللي كيبان ممسوقش لما يدور حوله، منتشيا بعدد النواب البرلمانين الذين حصل عليهم ، دون أن ينتبه أن يقود الحزب نحو الاختناق