ها بروگرام الدورة 26 من البطولة والعصبة أجلت قمة الرجاء ضد بركان وحددت موعد ماتش براكنة وليفار فكأس العرش
أسماء غربي-كود//
هجمة شرسة تعرضات ليها الماكيوز نهيلة أملقي لي كتقدم راسها كملكة جمال الكون.
املقي لي تعرفات في المغرب ملي ضربات 2 دراري في مراكش وقتلاتهم قبل ما تحط فلوس صحيحة باش تخرج من الحبس، كتحاول تنسى شنو وقع وعايشة دابا في دبي.
هاد اليوماين تلاقات مع كليكة ديال المغربيات لي معروفات في انستكَرام وتصورات بتيشورت بيض كيبان فيه صدرها، وهادشي خلا المعلقين لي معندهم ميدار ومتخلفين، يعايروها وبزاف قالو ليها “شوهتو بينا في الخليج”.
نهيلة لي تزوجات مؤخرا بسعودي جاوبات شي وحدين بأنها حرة ومن حقها دير لي بغات فجسدها، ومن بعد حطات بوزات آخرين بنفس اللباس لكن حبسات التعاليق باش ميصدعوش ليها مخها.