كود كازا//
تسبب نظام الدعم المباشر لاسر التلاميذ المتمدرسين تيسير في خنق مراكز البريد وتوقف خدماتها. كود عاينت طوابير كبيرة لعشرات المواطنين أمام مقرات البوسطة بكل من الخميسات، وتمارة. هاذ الدعم زاد تمارة لعيالات اللي فاقوا بكري باش يشدو الصف قدام البوسطة.
و بسبب السيسطيم الثقيل وامتعاض مستخدمي البريد يتحول استخلاص منحة لا تتجاوز 800 درهم الى جحيم حقيقي. عيالات ورجال معاهم ولادهم كيتسناو قدام البوسطات فالشمس ولساعات. شي عيالات جايين من بلايص بعيدة ربع المنحة غادي يمشي ليهم فالنقل.
اكثر من هاذ الشي كاين اللي كتشد الصف لساعات وفالاخير كيقولوا ليها عندك غلط سيري عند المدير يصحح لك. زعما مكاينش شي طريقة أخرى باش يصرفوا هاذ الدعم طريقة تراعي كرامة المواطنين وتنهي معاناتهم من أجل منحة صغيرة.
