الرئيسية > آش واقع > نشرة المساواة جابت أرقام كتخلع على العنف ضد العيالات: 54 فالمية تعرضو للعنف.. و52 فالمية منهم تعنفو فالديور
25/07/2020 11:30 آش واقع

نشرة المساواة جابت أرقام كتخلع على العنف ضد العيالات: 54 فالمية تعرضو للعنف.. و52 فالمية منهم تعنفو فالديور

نشرة المساواة جابت أرقام كتخلع على العنف ضد العيالات: 54 فالمية تعرضو للعنف.. و52 فالمية منهم تعنفو فالديور

عفراء علوي محمدي- كود//

استعرضات وزارة التضامن والتنمية الاجتماعية والمساواة والأسرة، فالنشرة السنوية الأولى ديالها حول المساواة بين الجنسين، أرقام صادمة حول العنف ضد النساء لسنة 2019.

كتقول الوزارة، فالنشرة اللي توصلات بيها “كود”، أن 54 فالمية ديال العيالات تعرضو للعنف فالوسطين الحضري والقروي، منهم نساء تعرضو للعنف النفسي بنسبة 49,1 فالمية، بينما اللي تعرضو للعنف الجنسي شكلو 17,2 فالمية، واللي تعرضو للعنف الجسدي كيشكلو 15,9.

بالنسبة لأماكن تعرض النساء للعنف، فازيد من النص تعرضو ليه فالمنازل بنسبة 52،1 فالمية، 18,9 فمؤسسات التعليم والتكوين، 15,4 فالوسط المهني، و12,6 فالمكان العمومي.

وهذ الأرقام ماشي جديدة بزاف، بحيث استندات الوزارة على آخر تقرير ليها صدر سنة 2019 حول العنف ضد النساء فالمجتمع المغربي.

ونشرة المساواة غتبقى تصدر كل عام، باش تجيب الأرقام والإحصائيات اللي كتقيس مدى المساواة بين الرجال والعيالات، وتقارب مدى نجاعة البرامج اللي كتدير الحكومة باش تحقق المساواة الكاملة بين الجنسين.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا