الرئيسية > آش واقع > نساء الجدارمية كاعيات و”كود” تكشف السبب وتنشر نداءهم للجنرال
13/07/2021 20:30 آش واقع

نساء الجدارمية كاعيات و”كود” تكشف السبب وتنشر نداءهم للجنرال

نساء الجدارمية كاعيات و”كود” تكشف السبب وتنشر نداءهم للجنرال

كود كازا//

نساء الجدارمية كاعيات هاد اليامات، والسبب هو حركة التنقيل اللي شملات الأزواج ديالهم، هادي خمسة عشر يوم، واضطرارهم لمغادرة المدن أو الفيلاجات اللي كانوا كيسكنوا فيها لمدة ربعة أو خمسة ديال السنوات.

وإذا كانت الحركة عادية ومألوفة ومنتظرة، وفي الوقت المحدد لها في سلك الدرك الملكي، إلا أن مطالبة عناصر الدرك الملكي، اللي شملهم التنقيل، بالالتحاق بأماكن عملهم الجديدة قبل من عيد الأضحى، اللي كا يتعتبر مناسبة اجتماعية لدى الكثير من المغاربة، أكثر منها دينية، خلا زوجات الجدارمية ما يعرفوا ما يقدموا ولا يأخروا، حيت المسؤولين اللي في القيادة العليا للدرك الملكي طالبوهم بالالتحاق عاجلا، وهما مازال ما عارفين فين غادين يسكنوا وفين غادين يستقروا هما وولادهم وقبل أيام قليلة من عيد الأضحى.

ومن أجل هاد السبب التمسات نساء الجدارمية المشمولين بعملية التنقيل الأخيرة من الجنرال حرمو ينظر بعين الرأفة لأسر الجدارمية المنقلين ويتم تأخير عملية التحاقهم بمقرات عملهم الجديدة، واللي قذفت ببعضهم إلى قرى وأقاليم نائية، إلى غاية مت بعد عيد الأضحى، واخا غير بيومين من بعد العيد، باش يعيدوا مع وليداتهم وأسرهم، ويلتحقوا من بعد بأماكن عملهم لتأدية واجبهم..

إذن واش غادي الجنرال حرمو القائد العام للدرك الملكي ينظر من حال هاد الزوجات ديال الجدارمية ويخليهم يعيدو مجموعين، هذا ما تأمله نساء الجدارمية المشمولين بحركة التنقيل، النظر بعين الرأفة من الجنرال ليهم..

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم