اسماء غربي – كود//

الممثلة والكاتبة المغربية نرجس الحلاق دار حوار مع الرمضاني فبرنماجو “قفص الاتهام” اللي كيدوز ف “ميد راديو”، وكيف ديما جاوبات بكل صراحة  على كاع الاسئلة.

View this post on Instagram

مساء الخير عليكم أصدقائي… الصراحة قبل ما تتحط الحلقة لبارح كنت خايفة بزاف خصوصا قلت عنداك ما يفهمونيش الناس و لا عنداك نجرح شي حد عن غير قصد خصوصا انني كنت كنجاوب بعفوية و بدون تخطيط مسبق و هادشي كان خالعني و لكن من بعد ما تحطات الحلقة تصدمت بالكم الهااااائل ديال الرسائل عامرة بالحب و التقدير ليا و لشخصيتي( بزاف كيقول شكرا على الرسائل ديالكم و ما كيكون واصلهم والو) و لكن انا و الله حتا وصلوني المئات ديال الرسائل كلها حب ما كرهتش نتشاركها معاكم كاملين باش يوصلكم شحال انا فرحانة و مصدومة من المستوى ديال الصدق و الطيبوبة اللي عند لمغاربة، صراحة كنت محبطة يمكن بسبب وجود ناس اللي كيحكمو عليك بدون ما يسمعوك و يعايروك بلا ما يفهمو مرجعياتك و أفكارك و لكن انتوما بدون استثناء فهمتوني و كبرتو بيا الله يكبر بيكم.. كنت خايفة من هاذ البرنامج و خايفة نبان سطحية و ما عنديش محتوى و لكن الصحفي الحقيقي كيكون مثل الحرباء يتلون مع الضيف كيفما كان و الصحفي اللي كيعطيك مجال بأسئلته أنك تعبر على أفكارك بحرية و بدون مقاطعة هو الصحفي الحقيقي، شكرا الرمضاني على ذكائك و سعة صدرك، و أخيرا كنبغي نقول للناس كاملين كيما انا جيتكم مثقفة و ذكية و عندي ما يتقال راه كاينين بزاااااااف ديال الفنانين بحالي فالمغرب و كينين اللي حسن مني بزاف غير مازال ما تعطاتهم الفرصة يعبرو على أفكارهم فالمنبر الإعلامي الذي يحترم ذكاءهم… شكرا بزااااف @ridouaneramdani #قفص_الاتهام #بدون_لغة_خشب #نرجس_الحلاق

A post shared by Narjiss El Hallak (@narjiss.el_hallak) on Jul 20, 2019 at 10:34am PDT

وعطات رأيها في بعض المغنيات اللي ولاو ممثلات، وقالت ان كاع المغنيات اللي دخلو للتمثيل، مكيعرفوش يمثلو، بل كيبانو بحال شي مانكان وصافي، ونصحاتهم: “يبقاو ف الغنا ديالهم احسن”.

وهاد الدقان طبعا موجه لابتسام تسكت وسلمى رشيد..

وكتبات نرجس تدوينة على حسابها الشخصي في انستگرام، قالت فيها انها كانت مخلوعة قبل ماتحط الحلقة، ولكن من بعد الكم الهائل ديال الرسائل اللي وصلوها عامرة بالحب و التقدير، وشكرات الرمضاني على ذكاؤو و سعة صدره.