نجوى المالحي-كود//

قضية الممثلة أمال صقر والرابور مسلم خرجات ندى حاسي المعروفة ب”كيم كاردشيان الخميسات” عن صمتها وعطات رأيها حيت عصبوها التعاليق لي كيسبو أمال ومخليين مسلم.

ندى دارت تعميم ووصفات المغاربة كاملين بالشعب المريض. وقالت “علاش ديما كتلومو غير المرا بحالا الراجل معصوم من الخطأ. راه الخيانة فيها هوما بجوج يا عاتبوهم بجوج يا سكتو”.

ودوات حاسي حتى على قضية الأخلاق لي كيربطوها الناس بالحجاب، وكيعتابرو لي مديراش الفولار مازياناش وكيلوموها وكتبات “علاش لي ماديراش الحجاب مكتسواش؟ ولي دايرة الحجاب زوينة.. حق رب الى شعب مريض وفي الاخير حتى كلب مكيهرب من دار العرس ماتهضروش بزاف حيت كون لقا راحتو فدارو مع مراتو ما ايقلبش على راحتو فبلاصة أخرى”.