كود كازا ///
شي مرات كنحسو باللي بينا وبين الغرب سنوات ماشي غير ضوئية شي حاجة اخرى، تصورو. صحافي فمؤتمر سول رئيس الدولة على قضية حساسة. الرئيس رد عليه بالسب وقال ليك انت وقح وفضيع. بعد ذلك حيدو ليه الاعتماد ديالو. مشى للقضاء ورجعو لخدمتو.
طبعا هاد الشي ما يمكن يوقع الا فبلاد الحريات بلاد المؤسسات بلاد القضاء المستقل النزيه. وبين من وقع بين الرئيس الاميريكي دونالد ترامب وبين صحافي السي ان ان جيم اكوستا.
القناة دافعات على صحافييها بل باش تفقص ترامب وقبل ما يخرج الحكم رسلاتو يغطي مشاركتو فباريس فمائوية انتهاء الحرب العالمية الاولى.
دابا القضاء رجعو ضدا فترامب وهاد الاخير هدد باش ما يبقاش يدير المؤتمرات الصحافية “ايلى ما لتازموش الصحافيين بقواعد اللباقة”