25/04/2024 12:05
واش تفعلات المبادرة الأطلسية رسميا؟. توقع يكون أول تصدير للحوامض المغربية من الميناء الأطلسي لدولة البرازيل الصديقة اللي كتعترف بمغربية الصحراء وتخلي دول أمريكا اللاتينية يتبعوها؟
نجوى المالحي-كود//
الجمعة لي فاتت كانت الحلقة الثانية من برنامج “جلسات مع نجاة” لي ولات كتقدم المغنية في “mbc5”.
ولي بان ان المغنية نجاة عتابو مبغاتش تخرج من جلابة الفنانة وتشد في التنشيط، لدرجة أن ضيوفها لي جا كيغني كتغني معاه وتخربق ليه الميزان.
حلقة الجمعة كانت كفس من الحلقة الأولى، المغنية لي حتى واحد مايقدر يناقش قوة صوتها وجمالو، تسببات في احراج ضيوفها وكانت في كل مرة كتدخل وتبدا تغني معاهم وهادشي كيدير ارتباك وكتولي هي كتعتمد على كلمات والضيف على كلمات والقضية كتولي مخربقة.
لحد الان نجاة مبانتش في المستوى لي كتغني به وهادشي كيزيد يخليها محط انتقادات لأن هاد القناة جايين ومعتمدين على أسماء قريبة من الجمهور المغربي باش تجر المشاهدين وتحقق المشاهدات ولكن على ظهر الجودة.
