عفراء علوي محمدي- كود//

أخير استطعات إسرائيل، تتوصل لاتفاق لتشكيل حكومتها الجديدة من بعد عام ونص ديال الجمود السياسي.

التشكيلة الحكومية الجديدة، اللي قدمها رئيس الوزراء بنيامين نتنياهو الأحد، إلى جانب بيني كَانتس، كتكون من 34 وزير، و10 فيهم من أصول مغربية، وكيشوف نتنياهو ان هاد الأعضاء هوما اللي قادرين يزيدو باسرائيل للقدام، والبلاد مراهنة عليهم.

وهاذي لائحة الوزراء المغاربة:

1- أريي درعي، وزير الداخلية، تزاد فمكناس ف1959

2- أمير أوحنا، وزير الأمن الداخلي، تزاد فبير السبع فإسرائيل ف1976، واليديه مغاربة

3- دفيد (دودي) أمسالم، الوزير المكلف بالعلاقات مع البرلمان، تزاد فالقدس ف1960، واليديه مغاربة

4- ميري ريكَيف، وزيرة النقل والبنية التحتية، وغاتولي وزيرة الخارجية من دابا 18 لشهر.. تزادت فكيريات گات فإسرائيل ف1965، باها مغربي ومها إسبانية

5- رافي بريتس، وزير شؤون القدس والتراث، تزاد فالقدس ف1956، واليديه مغاربة

6- أورلي ليفي، وزيرة تعزيز وتنمية المجتمع، تزادت فبيت شيعان فإسرائيل ف 1973، واليديها مغاربة

7- عمير بيريتز، وزير الاقتصاد والصناعة، تزاد فبجعد فالمغرب ف 1952

8- ميكي زوهار، ممثل الائتلاف فالبرلمان، تزاد فكيريات گات فإسرائيل عام 1980، باه مغربي ومو تونسية

9- ميخائيل بيتون، وزير الشؤون المدنية فوزارة الدفاع، تزاد فروحام فإسرائيل سنة 1970، واليديه بجوج مغاربة

10- ميراف كوهين، وزيرة المساواة الاجتماعية تزادت فالقدس ف 1983، واليديها مغاربة