كود الرباط//
علمت “كود” من مصادر مطلعة أن محمد مبدع، القيادي في حزب الحركة الشعبية، يعيش أسوأ أيامه بعدما تعرض لـ”تقريعة” من طرف قادة الحزب، خصوصا من قبل حليمة العسالي، القيادية البارزة في الحزب.
مصادر “كود” كشفت أن مبدع، يعيش معزولا، إذ بات مرفوضا من طرف أغلبية المكتب السياسي، سواء القادة المحسوبين على تيار التغيير، أو المحسوبين على العسالي.
وأفادت مصادر قيادية في المكتب السياسي لـ”الحركة الشعبية”، أن “الاجتماع الأخير المنعقد يوم الجمعة بمقر الامانة العامة، والذي ضم أعضاء المكتب السياسي للحزب المنتمين لجهة خفنيرة ببني ملال مع الأمين العام، شهد مشادة كلامية وانتفاضة ضد مبدع”.
وحسب مصادر “كود” فإن الاجتماع ناقش سبل التحضير للمؤتمر الجهوي للحزب بجهة بني ملال خنيفرة، مضيفة :”مبدع اقترح راسو يكون هو الأمين الجهوي للحزب فها الجهة”، وهادشي خلال قادة الحزب يضورو فيه، واعتبرو بأنه زاد فيها وطامع غير ف المسؤوليات بعدما عطاو منسق الأغلبية بمجلس النواب بلا مايدير فيها والو، خصوصا وأن الأغلبية ف مجلس النواب كتعرف انقسام.
مبدع لي قفرها قبل اسابيع فقط ف موضوع الأمازيغية، ملي قاطع نائب برلماني كيهضر بالامازيغية وقاليه :”مفهمتش اشنو كتقول”، هادشي خلا بزاف ديال القياديين ف الحركة ينتفضو ضدو ف المجموعات ديال الواتساب والفايسبوك.
ماشي غير هادشي بل خاطبه أحد اعضاء المكتب السياسي في اللقاء الأخير بالقول :”كنتي وزير وخديتي بزاف ديال المناصب ومدرتي والو، شنو الحصيلة لي درتي من ..”، وزاد هاد العضو كثر من هادشي ووجهو لو توبيخ قاصح خلا مبدع يتفرش.
وفي سياق متصل علمت “كود” أن مبدع غير مرحب فيه داخل تيار التغيير ف الحركة الشعبية.
مبدع لي باغي يكون الامين العام المقبل، عاقو بيه كيوجد راسو وعطاوه القاصح.
