كود اكادير//
علمت “كود” من مصادر محلية ان مول مخبزة “ر” المعروفة في ايت ملول ولي رفضات تبيع حلوة راس العام، اتهموه الدراري الي خدامين عندو انه “مخلصهومش”.
وقال أحد المستخدمين لـ”كود” :”6 اشهر ديال الخدمة بلا وراق وبلا خلاص وحنا 5 ديال الناس، وخدمنا معه من ايامات الافتتاح يوم 18 سبتمبر”، مضيفا :” درنا شكاية عند مفتشية الشغل، ولكن متفاعلوش معانا وحنا غادي نمشيو للمحكمة ناخدو حقنا”.
ومن جانبه قال صاحب المخبزة، لـ”كود”: “هادشي غير كذوب”، واتهم المستخدم لي مشا عند مفتشية الشغل بـ”النصب” عليه وبلي خدا ليه الفلوس.