عن فرانس بريس//

تظاهرو المئات فالعاصمة الجزائرية وفي مدن أخرى، احتجاجا على ترشح الرئيس عبد العزيز بوتفليقة لولاية خامسة.

وفي العاصمة، كانو تعزيزات أمنية جيهة قصر الرئاسة وسدو حتى الطريق اللي كتدي ليه، حيت سمعو ان المحتجين متاجهين ليه.

وعند وصول المتظاهرين الى قصر الرئاسة بغاو يقتاحموه ويدخلو وتما فين بداو الاشتبكات بينهم وبين الشرطة، ومازال الى حد الان ماعرفينش واش كاين جرحى او حتى موتى.

وانطلقت التظاهرات مباشرة بعد صلاة الجمعة من بزاف ديال الجوامع نحو ساحة أول ماي وسط العاصمة الجزائرية.

وغالبية المتظاهرين من الشباب النشطاء اللي مكينتاميو لحتى حزب سياسي.

ورددو المتظاهرون شعارات “لا بوتفليقة لا السعيد”، في إشارة لخوه السعيد بوتفليقة اللي كيهدرو عليه شي وحدين كخليفة للرئيس، وكانو كيغوتو “لا للعهدة الخامسة”، و”بوتفليقة ارحل”، و”أويحيى ارحل”، في إشارة إلى رئيس الوزراء أحمد أويحيى، إضافة الى اغنيات معارضة للحكومة كيغنيوها المشجعون فالتيرانات.