جورنالات صبليونية: هليكوبتر بالشعار الملكي والدرابو بالحمر حطات فمطار كاستيون
وكالات //
عمدة مدينة كَرونوبل، جنوب شرق فرنسا، نوض عليه الصداع من طرف عدد من الناس خصوصا من اليمين المتطرف حيث كيوجدو لقرار كيسمح للعيالات المسلمات أنهم يعومو بالبوركيني فالأماكن العامة (لاپيسين).
حركات نسوية تابعة فمعظمها للتيارات اليمينية الرئيسية ففرنسا ناضت عوتاني ضد هاد البوركيني.
ومع اقتراب الصيف كل عام كتنوض الروينة فعدد من المناطق الفرنسية بين الناس اللي باغيين يعومو بالبوركيني والناس اللي رافضين وكيقولو بللي لباس العومان باين ومعروف، وبللي هاد الهبال ديال العومان ب”باش” كيغطي كلشي هو “مبدئيا” إهانة للمرا وغير متلائم أصلا مع لاطموسفير ديال البلاصة الترفيهية اللي كيبغيو يلبسوه فيه بعض العيالات، بحال لاپيسين والبحر، علاوة على أنه كيتعتابر من “الرموز الدينية” اللي أصلا منوضة الصداع من زمان ففرنسا.