نجوى المالحي-كود//

المغني بدر سلطان اتهم المغني الشعبي طهور بالغيرة بعدما تلاقاو في واحد العرس وقلبوها صباط وضريب المعاني.

سلطان حط ستوري البارح السبت كيدوي فيها على طهور وكمل كلامو ب”طيييت” حشم يخرج ليها طاي طاي.

وكتب بدر “سير اسي ط أنا قد ولدك ونت حفيتي سنانك في الفن، سير ضرب لك شي حجة وكون مع راسك. واخا خسرتي لي الصوت باش تبيني ضعيف ونت تبان واو، لكن نت لي بنتي ضعيف ولي واعر واعر أحبيبي”.

وزاد في نفس البوسط “المشتاق الا فاق حالو صعيب”، وكتب “طييييييت” زعما سبو.