كود الصويرة//

انتقدت الفيدرالية الوطنية لجمعيات آباء وأمهات وأولياء التلاميذ، صفقة ديال وزارة التربية الوطنية ف الصويرة فوتات فيها مدرسة التفتح الفني والأدبي العمومية لمؤسسة فرنسية خاصة.

وحسب بيان ديال الفيدرالية، فالمؤسسة اللي قامت الوزارة بتفويتها، كلفات الدولة الزبابل ديال الفلوس، كما تساهم في تعزيز الإشعاع الثقافي وتنشيط الحياة المدرسية والرقي بها، ووصف فرع الفيدرالية ف الصويرة الصفقة “بالصفقة العار”.

وتنظمات، نهار الجمعة وقفة احتجاجية ف الصويرة تنديدا بتفويت المدرسة، وهزو الناس شعارات جا فيها : “هذا تعليم طبقي ولاد الشعب ف الزناقي”، و”يا تلميذ ارتاح ارتاح سنواصل الكفاح”، و”يا نساء ويا رجال اتحدوا في النضال”.