04/05/2024 16:20
التعاون العسكري بين الرباط وانواكشوط.. وفد عسكري موريتاني فيه قائد أركان القوات الجوية دار زيارة للمغرب
وكالات//
رجعات المغنية الميريكانية المشهورة تايلور سويفت باش تشعل صداع قديم بينها وبين نجمة تلفزيون الواقع الميريكانية كيم كارداشيان.
وخرجات سويفت واحد الأغنية في الألبوم الجديد ديالها كيقولو النقاد أنها كتهاجم فيه كيم كارداشيان من جديد.
كيم كارداشيان، خرجات في تصريح علني وقالت أنها “مابقاتش فاهمة علاش مزال حاقدة عليها تايلور سويفت وهاجماتها في الأغنية الجديدة ديالها”.
وزادت كيم كارداشيان متقول: “أنا كنت كنظن أن الخلاف بيناتنا سالا، علاش هي مزالا مصرة أنها تخلي المشاكل بيناتنا”.
غير باش تعرفو راه الخلاف بيناتهم بدا من عام 2016، فين خرج راجل كيم كارداشين السابق كيني ويست واحد الأغنية سميتها “مشهور” ولي كيقول فيها أنه هو السبب ديال الشهرة ديال تايلور سويفت.
