هادي خبار زينة.. أسماء المدير مخرجة “كذب أبيض” فلجنة تحكيم مهرجان كان العالمي
كود – وكالات //
من بعد زيارتها اللي جبدات الصداع مع بيكين، قالت رئيسة مجلس النواب الأمريكي، نانسي بيلوسي، إن بلادها ماغاديش تخلي الشينوا تعزل تايوان على الخارج.
ومن جيهتها علنات وزارة الخارجية الشينوية أنها فرضات عقوبات على بيلوسي، ووصفات زيارتها للجزيرة بأنها “تدخل فشؤون الصين واعتداء على سيادتها”.
وماوضحاتش الوزارة طبيعة العقوبات اللي قالت غادي تفرضها على بيلوسي وأشخاص آخرين من فاميلتها.
وبدات الشينوا، اللي كتعتابر تايوان طرف من أراضيها، أكبر مناورات عسكرية من نوعها فسواحل الجزيرة، بعدما تحدات بيلوسي التهديدات الصينية، وولات هي أكبر مسؤول-ة من ميريكان كيزور تايوان منذ سنين.
وماهضراتش نهائيا بيلوسي، اللي وصلات للجابون فإطار جولة آسيوية، على المناورات العسكرية الشينوية المذكورة، ولكنها قالت بللي لا بد تكون عند السياسيين الميريكانيين إمكانية زيارة تايوان بكل حرية.
وزادت “ربما منعو تايوان من الزيارات أو من المشاركة فأنشطة فالخارج، ولكن ماغاديش يعزلو تايوان من خلال منعنا من السفر ليها وزيارتها. ماغاديش نخليوهم يعزلو تايوان”.
وأشارت بللي الهدف من زيارتها، اللي جبدات الصداع مؤخرا بين ميريكان و الشينوا، ماشي هو “تغيير الأمر الواقع”، فالمنطقة.