كود الرباط //

الطماعا والاستغلاليين ديال المناسبات الفرجوية بداو يديرو مبغاو، بحيث مقاهي فالرباط دايرا شروط للناس لي بغاو يتقرجو منها يخلصو 25 درهم باش يشوفو الماتش هادي غير الدخلة ماشي كونسوماسيون.

حسب ما شافت “گود” كاينين مقاهي كيتحداو الوالي اليعقوبي لي دار البارح استنفار باش ميكونش تلاعب فالاثمنة ديال مشاهدة المباريات.

مقاهي منهم شي وحدين معروفين ف اكدال فارضين هادشي، مول المقهى لي فالصورة كيتحدا الولاية ويقول انا ندير ما بغيت. دبا هادو باغين ينكدوها على المغاربة وصافي.

كولشي فرحان بالأجواء الا هادو طامعين، وفالوقت لي دار ماتش فابور للناس وقرارات ديال مجالس جماعية باش ناس تفرج ف الساحات، الا البعض باغين يخسرو كولشي ويزيدو فالاثمنة بشكل خيالي.

الأجواء ديال الفرحة بدأت فشوارع الرباط قبل ماتش المغرب وكندا. كاين احساس بلي رباح جاي فطريق.