عاجل. حكم قاصح بزاف. الاستيناف طلع العقوبة الحبسية للطاوجني ل4 سنين بسباب شكاية دارها بيه وزير العدل
كود – عن ميديا 24//
نشر موقع “ميديا 24” الاخباري، مؤخرا، تقرير عن حالات التحرش الجنسي بالمغربيات على منصة التواصل الاجتماعي تيك توك. التقرير جا فيه تدخل ديال ناشطة في مجال الدفاع عن حقوق المرأة، تشكات من عدم استجابة السلطات المغربية والمجتمع المدني بالسرعة الكافية لتقارير التحرش الجنسي بالقاصرين على الشبكات الاجتماعية.
الناشطة عندها دلائل ملموسة على هاذ الممارسات بحال سكرين شوتات ديال محادثات ف تيك توك بين رجل بالغ وطفلة عندها 12، طلب منها تصور راسها عريانة واخا عارف أنها طفلة صغيرة في السن. هاذ المؤثر المريض ف راسو عندو 136 ألف مشترك ف تيك توك و8500 ف انستگرام.
وبعد ما تعرفات القضية ف غشت الفايت، تم اطلاق مبادرة ف السوثيال ميديا من ناشطات أخريات لتوثيق الحالات وبالفعل تم جمع عشرات الشهادات من حوادث مماثلة ولقاو نفس النمط كيتعاود. ديما المطالبة بالتعري والجنس. خلية أمنية ف كازا، متخصصة في قضايا العنف ضد النساء والفتيات، بلغاتهم أنه ما يمكنش الإبلاغ عن الجناة إلا إذا قدم آباء القاصرين شكايات للبوليس.
الناشطات جمعو ضوسي فيه كل الأدلة ومشاو عند جمعيات وتم استقبالهم لكن الطلبات لم يتم الرد عليها ودابا مشاو كتبو مراسلة فيها تفاصيل هاذ الحوادث وسلموها لمكتب وكيل الملك بالمحكمة الابتدائية بالدار البيضاء.
Pédocriminalité : des militants dénoncent l’absence d’enquête après des soupçons d’abus sur Tiktok