كود علي الصافي ////

البوليساريو وناسها حالفين حتى يكذبو على العالم كولو. رئيس الصداقة البيروفية للدفاع عن الشعب الصحراوي ريكاردو سانشيز سيرا قال فمقال صحافي نشرات “كود” مضامينو٬ ان الكثير من مؤيدي جبهة البوليساريو يدعونها لقبول المقترح، مشيرا أن الأوساط داخل جبهة البوليساريو تتماشى والمبادرة المغربية من ملف الصحراء، وأن العديد من قياداتها جاهرت بذلك بعد إنشقاقها عن صفها.

باش جاوبوه؟ اتاهماتو هاديك اللي جراو عليها البيرو لانها دخلات بباسبور اسباني واعتابرات راسها ديبلوماسية خديجتو مختار واللي كتقدم راها ممثلة للجبهة فليما بتهمة جاهزة “اه حگى المغرب عطاه لفلوس وقلب الڤيستة”.

رئيس مجموعة الصداقة البيروفية مع البوليساريو قال غير المعقول. قال باللي “الوقت ملائم لإتخاذ جبهة البوليساريو لقرار جديد حاسم وشحاع يضمن مستقبل الصحراويين وساكنة مخيمات تندوف، مؤكدا أن منظمة الأمم المتحدة تعي جيدا منذ سنة 2004 عدم قابلية تطبيق الاستفتاء لأسباب تقنية وسياسية، مذكرا أن مجلس الأمن يدعو لحل سياسي عادل ودائم ومقبول من الأطراف، وأن مبادرة الحكم الذاتي المغربية المقترحة سنة 2007 تُعد جادة وذات مصداقية وواقعية، وتعتبرها الولايات المتحدة مقاربة تحاكي تطلعات ساكنة الصحراء

ناس البوليساريو يعني غالي وصحابو جهلو. ناضو كيرددو ان المقال “تم بسباب الديبلوماسية المغربية لي نجحات تستقطبو”.

بينما هاديك خديجتو مختار لي كتقدم راسها كممثلة البوليساريو فالبيرو، وعمر منصور وزير أمريكا اللاتينية، سبق واعتابرهم “ماشي كفاءات ومقابلين غير لخوا الخاوي، وعتابرو أن الشيء الوحيد المضيء فالدبلوماسيين دالبوليزاريو هو جريهم وراء فتيات فعمر بناتهم لي كاينين فالمخيمات”

هاد الفكرة ديال قبول ناس البوليساريو بالحكم الذاتي كاينة فالجبهة فمخيمات الرابوني. ناس ما بقاوش يجبدو على لسانهم “تقرير المصير” ولاو كيهدرو علي مفاوضات. على حلول متفق عليها. على مصطلحات اخرى. غير الخوف هو اللي مخلي هاد الاصوات تتكلم. الخوف من القادة والخوف من الجزائر