كود كازا ///

نشر الموقع الرسمي لفريق الرجاء الرياضي خبر خاطئ، بعدما كتب أن الفريق ربح القضية ديالو مع المدافع أوال، والحقيقة أنهم قراو المراسلة وطرجموها غالط، هما عند بالهم هما لبرحو القضية والفيفا كتقول ليهم نتوما خسكم تخلصو لأوال 54 ألف دولار.

فضيحة كبيرة وقربالة نادت في الرجاء مني خرج الخبر الحقيقة ونشرو بعض المواقع المراسلة ديال الفيفا، لخلات المدير الاداري سعيد بوزرواطة كيندب، لأنه هو المسؤول على هادشي، وبقى كيعتاذر للمسيرين باش ميجريوش عليه، خصوصا أن خطأ بحال هذا مكيدارش، والخطير أنه تنشر في الموقع الرسمي ديال الفريق، وهذا حتى هو خطأ من نوع آخر.

وباش احيد حسبان اللومة عليه دار اعتذار في الموقع الرسمي وقال فيه أن المدير الاداري هو لوقع في الخطأ يعني سعيد بوزرواطة، باش ميعيروهش عوتاني الجمهور وحيحو عليه.

الرجاء مكاتجي فين تحل مشكل حتى كيزيدها مشكل آخر، ودابا ولات خص الفرقة تخلص كثر من 500 مليون سنتيم للفيفا في الأحكام لكثيرة لعندها، ولكن الفرقة راها فأزمة ومعندهاش القدرة باش تخلص هاد لفلوس كاملين.