أرقام رسمية.. غير 29,3 فالمية من المشتغلين اللي عندهوم التغطية الصحية واكثر من نصف المستأجرين معندهومش كونطرة عمل
كود الرباط//
قال عمر ناجي، مدافع عن حقوق الإنسان يعمل في قضايا اللاجئين والهجرة، إن السلطات حفرات 21 قبر باش تدفن ضحايا احداث مليلية بسرعة، اليوم، مضيفا بلي هادشي دار دون اجراء تحقيق في اسباب الوفاة.
وطالب ناجي (قيادي فالجمعية المغربية لحقوق الانسان)، بفتح تحقيق في أحداث مليلية وكيفاش تم تفريقهم وتعنيفهم على حد تعبيره، وقال بلي كاين سوء تدبير هاد الملف وكانو اخطاء كارثية.
وأوضح ناجي لـ”كود” :”حنا فالجمعية قلنا بلي المحاولة ديال الدخول لمليلية لي دارو المهاجرين عنيفة واستعملو ادوات عنيفة، ولكن فاش وصلو للحدود وقع عنف وتدافع واستعمال الكريموجين من طرف السلطات المغربية”، مشدد بلي السلطات المغربية لم تستعمل الرصاص، ولكن “هاد العدد ديال الوفيات كبير بزاف ومعمر كان فالناظور”.
واتهم ناجي كل من السلطتين المغربية والاسبانية بـ”التقصير في الحفاظ على أرواح المهاجرين القادمين من جنوب والصحراء والسودان وجنوب السودان”.
وقال ناجي :”السلطات الاسبانية كيتفرجو فالسلطات المغربية كدركي كيدابز”، مضيفا :”استغرب علاش السلطات الاسبانية مادخلاش دير غير الاسعافات الأولية”.
وشدد المتحدث بلي خاص السلطات دير تحقيقات وتشريح الجثت باش نعرفو اسباب الوفيات.