واش يبقى ولا يستاقل. اليوم يتحدد مصير رئيس الحكومة الصبليوني. خدا ويكاند باش ياخد قرارو بعد اتهام مراتو بالفساد
كود كازا//
تشهد أسعار الخضرة والديسير واللحم في الأسواق المغربية وحتى المحروقات، منذ أزيد من جوج سيمانات ارتفاع كيخلع، خلا المواطنين يخافو من ارتفاعها أكثر ف رمضان، خصوصا وأن الأمر كيضر بجيوب البسطاء بشكل كبير. مثلا وصل سعر البصلة بمختلف الأسواق المغربية ما يفوق 10 دراهم.
هادشي لي خلا استياء في صفوف المواطنين .
“كود” سولات بعض المواطنين عن رأيهم في هاد الأسعار.
وقالت مغربية لـ “كود” بحرقة :ميمكنش شي ياكل وشي يشوف، ماشي كلشي عندو، الأسعار رآه خاصها تنقص، أما أحد المواطنين فقد ختار المقاطعة كحل لهذ الزيادات لي قال أنها تتكون في كل رمضان.
وكيشوف أحد المواطنين انه المستهلك هو لي فيه المشكل، بحيث كيبقا حتى كيقرب رمضان عاد كيبغي يشري كلشي، والبائع كيستغل الفرصة وكيزيد في الثمن.