الرئيسية > كود-تيفي > ميكرو طروطوار گود. المغاربة نصهم مع الحريات الفردية في قضية صيام رمضان.. ونصهم كيقول: أنا صايم خاص كلشي يصوم وكيبقى فينا الحال نشوفو الناس واكلة وحنا لا
26/04/2019 12:30 كود-تيفي

ميكرو طروطوار گود. المغاربة نصهم مع الحريات الفردية في قضية صيام رمضان.. ونصهم كيقول: أنا صايم خاص كلشي يصوم وكيبقى فينا الحال نشوفو الناس واكلة وحنا لا

ميكرو طروطوار گود. المغاربة نصهم مع الحريات الفردية في قضية صيام رمضان.. ونصهم كيقول: أنا صايم خاص كلشي يصوم وكيبقى فينا الحال نشوفو الناس واكلة وحنا لا

كود كازا//

عدد الملحدين و لادينيين في المغرب غادي وكيكبر، خاصة في صفوف الشباب، ومع إقتراب رمضان ككل سنة كتنفكرو “حركة ماصيمينش” لي كتحاول تنظم إفطار جماعي فوسط النهار، للمطالبة بإلغاء المادة 222 من القانون الجنائي المغربي، ولي جا فيه “كل من عرف باعتناقه الدين الإسلامي، و تجاهر بالإفطار في نهار رمضان، في مكان عمومي، دون عذر شرعي، يعاقب بالحبس من شهر إلى 6 أشهر”.

“كود” سولات المغاربة واش نتما مع الحريات الفردية ،لي بغا يصوم يصوم ولي مبغاش ميصومش أو مع خاص كلشي يصوم؟

الإجابات كانت بشكل متساوي تقريبا، بحيث النص مع الحريات الفردية، ودليله على ذلك القرآن: (لكم دينكم ولي دين)، ويضيف أحد المتدخلين أنا الإسلام كيدعي للتسامح والسلام والتعايش الديني، وأكد أخر أنه ماسوقوش في الأخرين سواءا بغا ياكل ولا يصوم ولا ينتاحر كاع، بحيث نص المتدخلين بانو متصالحين مع ذاتهم.

وكاين صحاب أنا صايم كلشي خاص يصوم حسب تعبير أحد الشباب، ولي فاش سولاتو كود: ما دليلك على هذا؟ قال أنه معندوش الدليل في الإسلام ولكن هذا رأيه الشخصي.

وكاينين لي قالو أنهم مايمكنش يتحملو يشوفو شي حد واكل وهوما صايمين، وكاين لي مشى بعيد وقالك أنه لاكان شي حد مقطوع يقد يضربو، والبعض قال أنه غادي يبلغ البوليس.

وأخيرا نشير للمادة 18 من الإعلان العالمي لحقوق الانسان، ولي جا فيها: “لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما، بالتعليم والممارسة وإقامة الشعائر ومراعاتها سواءا كان ذلك سرا أم مع الجماعة”.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا