امراة جابت جثة حتال البنكة باش تاخذ كريدي.. فيديو كيوثق لهاد الواقعة لي مكتدخلش للعقل
كود الرباط//
كل ممنوع مرغوب، ولذلك مور الفطور في رمضان كتحرك المواقع الزرقاء بحالهم بحال الجوانات، كلشي كيبغي يهرس الصيام بشهوة البطن والفرج، وكاين لي كيخليها حتى لمور التراويح الا كان كيصلي.
ولكن البعض كلما قرب رمضان، كيخرجو يطالبو بحجب المواقع ديال البورنو، باش ميخصرش لهم الصيام، وهاد لعام وصلت بهم الجرأة يتداولو على مواقع التواصل الإجتماعي تصويرة منسوبة للقناة الثانية فيها قرار بحجب المواقع الإباحية بالمغرب طيلة شهر رمضان.
والحقيقة أن خبر منع المواقع الإباحية ماكانش في المغرب و إنما كان قرار من وزارة الإعلام المصرية.
هادو لي كيطالبو بحجب هاد المواقع، أكثرهم كيهضرو بإسم الشعب يريد.. المغاربة يريدون..
“كود” خرجات تسول المغاربة، واش انتما بصح باغيين يتحجبو مواقع البورنو في شهر رمضان ولا العكس؟
أغلب الناس كانو رافضين للحجب، بحكم أنها حرية شخصية، وأن هاد المواقع ماكتتفرضش عليك راسها بل الشخص لي كيقلب عليها، لذلك ماشي حجة باش يتحيدو خلال رمضان
أما واحد الشابة فصرحت أنه ممتفقاش مع هاد الناس،لأنه ماشي كلشي كيصوم، وبحكم انه أصلا كاين بروبليم ديال الجنس في البلاد، وماشي كولشي مزوج انو مصاحب، يعني ماخصهمش يحيدو هاد المواقع.
باقي التصريحات تشاهدونها في الميكرو طروطوار