عفراء علوي محمدي- كود//

حذرو مسؤولين فمجموعة من الولايات فميريكان السكان من عبوات كتوصلهم من الشينوا ومن مصادر مجهولة، فيها بذور كحلة غريبة.

وتقارير إعلامية كشفات أن 40 فعدد من الولايات واحد وصلوهم هذ العبوات فطرود بريدية مكتوبة بالشينوية، وتحديدا من مدن بحال واشنطن ويوتا وتكساس وأريزونا.

وزارة الزراعة بدورها حذرات من هذ الطرود لا يقيسوها الناس، حيت تقدر تكون نباتات مسمومة تضر البهايم.

Public Asked To Report Receipt of any Unsolicited Packages of Seeds. Learn more: https://t.co/RY9u4nR1QK pic.twitter.com/ZzNaO2ZaYz

— VDACS (@VaAgriculture) July 24, 2020

مواطنة أمريكية سميتها لوري كولي، كتعيش في يوتا، قالت أنها “لقات جوج عبوات صغار فبريدها، مكتوبة باللغة الشينوية، وكانت متحمسة باش تحلها لا تكون فيها مجوهرات، لكنها لقات غير الحبوب..”

وقالت كولي، فتدوينة ليها على تويتر، أنها مافهماتش علاش وصلوها هذ الحبوب، واعتقدات أنهم وصلوها بالخطأ، لكن حتى تفاجآت بللي بزاف دالناس وقع ليهم نفس البلان..

We have received reports of people receiving seeds from China that they did not order. If you receive them – don't plant them. Report to @USDA_APHIS at https://t.co/0U53rbAiHs pic.twitter.com/Y4yAKv5bk7

— WA St Dept of Agr (@WSDAgov) July 24, 2020

ووزارة الزراعة فتحات تحقيق فهذشي، باش تعرف منين جاو هذ البذور.

وبدورها حذرات السلطات، فولاية فرجينيا، من كون هذ الحبوب يمكن تضر ببيئة المنطقة وتخرج على المحاصيل.